قاموس للامتال الشعبيــــة .........

حبيت نضيف موضوع علي الامتال الشعبية واللي يعرف متل ايضيفه حتي نتحصلوا علي قاموس متكامل لامتالنا الشعبية

مكتوب ع وراق التفاح رزق الشاقي ياخده المرتاح
الى مايبكي خانقاته العبرة
عين تضحك وعين تبكي
يمين البكوش في صدره
الليل بوديناته والنهار بعويناته
الفم المسكر ماتخش له دبانه
كل جرح يبرا الاجرحك يالسان
البحر فيه كلب
أمش يالول جاك التالي
مااعطب من الثوم الاالكرات
مشكاي أطرش ومتشرب ريح
يامبركك يامرت بوي لوله تضربني وتعطيني ناكل
وجه تعرفة خير من وجه ماتعرفاش
الى يديره الذيب مايكرهها الكلب
يجينا قرطاس ينبت شوشة
الي يقول الحق راسه ينشق
كلام الحق وجاع
الحوش لبونا والناس بيطردونا
في ركني ويعاركني
واحد فقره محاديه وواحد سعده يخدم عليه
واحد زلته مغفوره وواحد زلته فوق النخل منشورة
الى خاف سلم
الملدوغ يتخايل الحبل
الى مات مات على روحه
احييني اليوم واقتلني غدوه
ياروحي ما دونك روح
كل واحد علي روحه
اخطى راسي وقص
الى ماهي فيك ماتعيرك
امش صحيح ولاتعتر لاتطيح
كل حي من صندوقه يلبس
ماحي مات علي ميت
الاصحاب ولت معارف
الى مايدير خير مايجيه شر
ماعين تعلا على حاجبها
المحتاج يقول للكلب ياسيدي
ايش بيقول الميت قدام غساله
تعاركت الام وبنتها فرح العدو من هباله
الي ليك ليك يمضغك ولا يعديك
الي انت منه لاغنانن عنه
البحر ماتعومش فيه بروحك
رزق خوه عند خوه
النعجة الطائشة من سعد الذيب
الى يقول كلام يرعاه
الكلمة زي الروح لوخرجت ماعادش تولي
من كبر هده مات بوه قبل جده
أكبر منك بليلة يغلبك بكل حيله
صاحب بوك خير من صاحبك
الي مايعرف بوك ينعل جدك
كلمة امي كيف العسل في فمي
ان كبر ولدك خاويه
الي تحساب موسى طلع فرعون
رقدة أهل الكهف
عليك الآمان وخاتم سيدنا سليمان
الضرب للمحاميد والثنى لغومة
كل شاه امعلقة من كراعها
الي أوله شرط اعقابة سلامة
قطعنا البحر يابال البحيرة
الى مايحك جلده بيده م يحكهوله عبيده
الثمر ما يجيبنه مراسيل
مشينا الواجد يابال الشوي
الي ما يأكل بيده مايشبع
صحح ابدانك وادهب شيطانك
تعشى وتمشى
الصابر معاه الله
لاتجاور نسيبك ولاتامن طليبك
دير مايدير جارك والاحول باب دارك
رفقة الثور للجمل
الوجه الى تعرفه خير من الوجه الى ماتعرفاش
الذوقة اتدير الصاحب والي مايدوق مايدير اصحاب
صاحبك بختك
يازين ميعاد لحباب
الصاحب الي ماتستفاد منه العدو خيرمنه
الصاحب على الصاحب يبيع عباته وان صاحبي كلمة وفاء كادت

مشكورررره بالعربي ومنووووره بالليبي ومنك نستفيد تقبلي مروري\تحياتي

شويه من المحنة و شوية من رطابة الايد
*********
الجمل ما يشوف فى عوج رقبته
*********
من قبل يا زين مابهاه لا بال سلُو عموده
*********
ابعت ولدك للغابة يجيبلك متله من العودان
*********
السرج طلبه والحصان وداعئ,والجرد و الكبوس موش امتاعه
*********
حفيان شنق وللركابه كراعه
ويقال هذا المثل لشخص لا يملك شى و يتظاهر بملك كل شي
بالليبي (يفخفخ على ما فى شى اجرب)
***********
اقلب الجره على فمها تطلع البنت بأمها
***********
عالق زى العظم فى الريه
**********
على وجوها تشرب لبنها
santa

العروس للعريس والشقئ للمتعيس
cheers

اللي يخلط روحه بالنخالة ياكلوه الدجاج
واللي يخلط روحه بالبشكطي ياكلوه الصغار