ارحم يا ياس الخاطر صاف . ساد حرمته من لولاف
مواريات عين الشمس .غيوم سود بالياس يمطرن
لوكان خيرونى ارضيت.الميتة ولاياس الغنى
اطاول عليها ياس .والعين زاهدة فى عمرها
امفيت ياياس انموت.منى غلاى مانك واخدا
الياس مالقا ما ايدير.صبالى غفير فى باب الغلا
الناس خايفة مالياس. وانا معاي ياسين بامهم
تلاقيت نا والياس .ضحك وقال نا وين شايفك
شينك ياس علي أمرسي . قبل إيموت ضناه أموصي
الياس وارثة ميراث . جدى مات ولبوى عقبه
مالياس خفت عالولاف @ولي اتخاف منها اتسيرلك
ما انقولك يا ياس@ايجيك يوم تحت ايدي اتجي
أندير غلا يا ياس أتجيه . اتقول يدلو فيك عليه
على ثقل احمولى فزيت @ الياس دفرتة وافتكيت
عليك ياغلاى وضعت @ اغفل القسم والياس مااغفل
ديما ياياسي واتيله * وين يصح غلاي تشيله
نا والياس رفاقه دوم تقول خلقنا ربى توم
خذيت يا الياس عليك*اقعد احذاي مافيك مامشيت
علي الياسات اموسع بالي . لين ايحن الله العالي
م الياسات ابكى من جدك ميراثك من بوك وجدك
موقاسم لولاف ونسهم هم حطوا والياس كنسهم
نرقد وتواعينى عبره من الياسات حياتى غبره
جبل شكيتله من الياس قعد ايموج حالي واجعه
انا انلم في حظي بالحيطة . واليآس ورايا بالبرويطة
ماتغفل يا ياسي كنك . بالك تنجا حاجة منك
من الياسات قليل ربايح . غياتي طايح في رايح
ياسك يا مرهون رفيقى كل نهار مشيط ريقى
اتقول راضعين معاه علقت الياس فينا طولت
الياس وصوب غوالي توم . الله امنزلهن في يوم
وين شكيت للياس ظروفى صبا طبطب بين اكتوفى
مات الياس اوشينك ميته.سيب مطراحه عفريته
الثلاثاء يونيو 15, 2010 6:17 pm